15 BELOFTES VIR MOEILIKE DAE

Vyftien beloftes uit God se Woord om jou te bemoedig wanneer dinge moeilik gaan en jy nie lig in die tonnel vorentoe kan sien nie.

15 Beloftes vir moeilike dae

Die lewe is nie altyd maklik nie. Soms voel dit mos of jy skaars een probleem oorkom het, dan duik ‘n volgende een weer op.

In so ‘n geval is maklik om te begin dink dat jy heeltemal alleen staan teen al die aanslae wat jou tref, want dis juis in hierdie oomblikke dat die ou duiwel jou probeer oortuig dat God jou verlaat het en van jou vergeet het.

Dit is egter ‘n leuen.

Daar is nêrens in die Bybel ‘n belofte dat God se kinders nie probleme gaan ondervind nie. Inteendeel, Jesus het self gesê: “In die wêreld sal julle dit moeilik hê…” (Johannes 16:33a).

Maar al het God nie belowe dat ons lewens probleemvry gaan wees nie, het Hy wel belowe dat Hy altyd by ons is en ons nooit sal verlaat nie. Hy het ook belowe dat Hy vir ons is en in ons is, en daarom kan ons die lewe en al sy probleme aandurf omdat ons weet ons doen dit nie alleen nie.

Dink vandag so ‘n bietjie oor hierdie woorde en beloftes van die Here. Laat dit jou bemoedig en jou geloof opbou.

GOD IS VIR JOU.

Romeine 8:31: “God is vír ons, wie kan dan teen ons wees?”

Efesiërs 3:12: “In ons verbondenheid met Hom en deur ons geloof in Hom kan ons met vrymoedigheid en vertroue na God gaan.”

Jeremia 20:11: “Maar U is by my, Here, en U is magtig en sterk: dit is dié wat my vervolg, wat sal val; hulle sal nie wen nie. Hulle sal teleurgestel staan, want hulle sal nie in hulle doel slaag nie. Die skande van hulle neerlaag sal nooit vergeet word nie.”

Hebreërs 13:5b-6: “God self het gesê: ‘Ek sal jou nooit verlaat nie, jou nooit in die steek laat nie.’ Daarom kan ons met vertroue sê: ‘Die Here is my helper, ek ken geen vrees nie: wat kan ‘n mens aan my doen?'”

GOD IS BY JOU.

Mattheus 1:23: “‘Die maagd sal swanger word en ‘n Seun in die wêreld bring, en hulle sal Hom Immanuel noem.’ Die naam beteken God by ons.”  

Sefanja 3:17: “Die Here jou God is by jou, Hy, die krygsman wat red. Hy is vol vreugde oor jou, Hy is stil-tevrede in Sy liefde. Hy jubel en juig oor jou…”

Joshua 1:9: “Ek self gee jou die opdrag. Wees sterk, wees vasberade. Moenie skrik nie, moenie bang wees nie, want Ek, die Here jou God, is by jou oral waar jy gaan.”

Psalm 23:4: “Selfs al gaan ek deur donker dieptes, sal ek nie bang wees nie, want U is by my. In U hande is ek veilig.”

Jesaja 41:10: “Moenie bang wees nie, Ek is by jou, moenie bekommerd wees nie, Ek is jou God. Ek versterk jou, Ek help jou, Ek hou jou vas, met My eie hand red Ek jou.”

Deuteronomium 31:6: “Hou moed en wees dapper! Moenie bang wees nie, moenie vir hulle skrik nie, want die Here julle God gaan saam met julle. Hy sal julle nie in die steek laat nie, julle nie alleen laat nie.”

LEES OOK: PSALM 91: GOD SE BELOFTES VAN BESKERMING.

GOD IS IN JOU.

1 Korinthiërs 3:16: “Weet julle nie dat julle die tempel van God is en dat die Gees van God in julle woon nie?”

Romeine 8:9: “Julle word egter nie deur julle sondige natuur beheers nie, maar deur die Gees, want die Gees van God woon in julle. As iemand die Gees van Christus nie het nie, behoort hy nie aan Christus nie.”

Efesiërs 2:21-22: “In Hom sluit die hele gebou saam en verrys dit tot ‘n heilige tempel vir die Here, in wie julle ook saam opgebou word as ‘n geestelike huis waarin God woon.”

1 Korinthiërs 6:19: “Of besef julle nie dat julle liggaam ‘n tempel van die Heilige Gees is nie? Julle het die Heilige Gees, wat in julle woon, van God ontvang, en julle behoort nie aan julleself nie…”

1 Johannes 4:4: “Julle behoort aan God, liewe kinders, en het die vals profete klaar oorwin omdat Hy wat in julle is, groter is as die duiwel, wat in die wêreld is.”

Wat ookal vandag op jou pad kom, onthou God se beloftes dat Hy vir jou, by jou en in jou is.

Jesus het die wêreld klaar oorwin (Johannes 16:33), en jy is tot alles in staat deur Hom wat jou krag gee (Filippense 4:13). Jy is meer as oorwinnaar deur Hom wat jou liefhet (Romeine 8:37).

4 thoughts on “15 BELOFTES VIR MOEILIKE DAE

  1. Harriet Myburgh

    Pleae help me with my relationship with God my Father

    • Risa Cronje

      Harriet, stuur vir my ‘n e-pos met jou vrae na ris@tjie.co.za dan kyk ek hoe ek jou kan help.

  2. Lente

    Risa, ek voel skaam om iemand te vra om my te help om my verhouding met my God terug te kry.
    Ek is n ou dame, en het baie deur gegaan, en verloor, maar deur alles was God nooit ver, ek het hard in my hart geword myself die skulc gegee oor alles .en letterlik net op gehou om te bid, ek het nog steeds kerk toe gegaan. selfs die dame wat my op getel het kerk toe. het my verwerp.. my seun . het my verwerp.. ek kon dit nie verwerk nie.. kon nie veestaan hoekom nie.. ek kon nie meer bybel lees of bid nie… ek het my oorgegee aan my skilderwerk… wat net totaal n mislukking was soos ek is.. my hele lewe val uit mekaar.. en ek het niemand om mee te praat… asseblief help my om Jesus weer in my hart te kry… ek is so vreeslik jammer oor alles.. ek het probeer bid vir vergufnis… my skuldgdvoel is te groot… sal God my ooit vergewe? Ek weet meer hoe. Ek is desperaat.
    Lente.

    • Gailyn

      Dagse Lente, ek is Gailyn. Ek was nou besig op die website toe sien ek jou boodskap en my hart gaan uit na jou. ek vra jou om te luister wat ek vir jou se ek niks en niemand is te sleg om gered te word nie, God het jou lief Hy het Sy seun gestuur vir mense soos jy ook. dis altyd die duiwel wat kom om negatiewe tesaai in mense se lewes want hy wil nie verloor nie al is hy meer as 2000 jaar terug n verlorder. die vrou wat 12jaar lank aan bloedvloeing gely het niemand kon haar help nie, niemand het iets om vir haar te gee wat haar gesond kon maak nie gelde het sy spandeur verskillende dokters het sy gegaan maar sy het dieselfde probleem gehad. tot sy een dag gehoor het van Jesus en sy het gese as ek maar net aan sy soom kan raak weet sy dat iets sal dan gebeur en sy het opgestaan uithaar omstandighede en gegaan tot daar waar Jesus was en sy het deurgedruk om net aan Hom te raak en toe sy kon onmiddelik het Jesus gevoel dat daar krag uithom uitgegaan en Hy het omgedrai en vir haar gese dogter jou geloof het jou gered. Geloof kom deur die gehoor van God se woord, jy moet inskakel in n kerk waar jy gelief en vry sal wees, nie net een dag kerk toe dan is jy geneus van jou kwale nie dis n verhouding wat jy moet bo met God. Hoe kan God jou vergewe as jy nie jouself kan vergewe nie, vergewe en spreuk vry, dit is die beste medikasie. wat jy belei wat jy uit jou mond sal spreek so sal dit wees. God wag vir jou staan op en neem hom aan as jou Heer en saligmaker.

      sterkte en ek glo hierdie sal jou help.

      vriendelike groete

Leave a Reply

Your email address will not be published. Required fields are marked *